Paketearen definizioa [Trinitate Plaza - Abonamendua] - Donostia Kultura

Steve Coleman & Five Elements

Steve Coleman (saxo altua), Jonathan Finlayson (tronpeta), Rich Brown (baxua), Sean Rickman (bateria)

Steve Coleman berebiziko jenioa da saxofoian, eta inspirazio iturri bihurtu da Jazzaren belaunaldi oso batentzat. Aurrenetakoa izan zen ikusten rapak eta DJek eskaintzen zituzten aukerak eta, horrekin batera, maisu bihurtu zen Jazzaren mugetatik kanpo ari ziren musikari askorentzat.

Kurt Elling and Yellowjackets Celebrate Weather Weapon

Kurt Elling (ahotsa), Russell Ferrante (pianoa, teklatuak), Bob Mintzer (saxo tenorra, saxo sopranoa, EWI), Dane Alderson (baxu elektrikoa), William Kennedy (bateria, teklatuak)

Kurt Elling Jazz bokalista magistralak eta Yellowjackets Jazz fusioko talde legendarioak omenaldia egingo diote Weather Report supertalde ospetsuari. Kurt Ellingen jatorrizko letrak Weather Report taldearen denboraz kanpoko musikara moldatuta entzuteko aukera paregabea izango dugu hau.

Informazio gehigarria

Marc Ribot (gitarra), Ava Mendoza (gitarra), Chad Taylor (bateria)

Marc Ribot, 1954an New Jerseyn jaioa, azken hamarkadetako asmamen eta sormen handieneko gitarristen artean dago, konpositorea eta abeslaria izateaz gainera. Bere musika esperimentazioaren eta inprobisazioaren munduari lotuta dago beti, eta erabateko askatasunetik abiatzen da, eta zaletasun berezia erakusten du rock gordin, zuzen eta zaratatsuarekiko.

Dee Dee Bridgewater Quartet: We Exist!

Dee Dee Bridgewater (ahotsa), Carmen Staaf (pianoa), Rosa Brunello (baxua), Evita Polidoro (bateria)

Dee Dee Bridgewater dama handienetako bat da ahots Jazzean. 1950ean Memphisen jaioa, laster ekin zion bere ibilbideari, 1971n Thad Jones eta Mel Lewisen Big Bandean sartu zenean; orkestra bikain eta berritzaile honek emanaldi ugari egin zituen 1974. urtera arte. Hala, bere ibilbidean jauzi bat egiteko eta Jazzaren figura ospetsuek, tartean Max Roach, Dizzy Gillespie, Sonny Rollins eta Dexter Gordonek, zituzten taldeetan parte hartzeko adina prestakuntza eskuratu zuen.

Informazio gehigarria

Brad Mehldau

Brad Mehldau (pianoa), Jordi Rossy (bateria), Felix Moseholm (contrabaxua)

Brad Mehldau bere belaunaldiko pianista ospetsuenetako bat da. Sentsibilitatea, dotorezia, berrikuntza, sofistikazioa eta indarra dira pianista estatubatuarraren nortasun musikala definitzeko balio duten hitzak.

Dave Holland / Chris Potter: Kismet

Dave Holland (kontrabaxua), Chris Potter (saxofoia),  Kevin Eubanks (gitarra), Marcus Gilmore (bateria)

Kismet - Dave Holland eta Chris Potter - azken hamarkadetako Jazzaren arrastoa utzi duten bi erraldoiren elkarketa da. Bi musikari bikain dira, bakoitza bere instrumentuan birtuosismorik handiena eta musika-hizkuntzarik sofistikatuena hunkitzeko, inspiratzeko eta hedatzeko gai direnak. Bakoitzak bere aldetik izar handi bat izateak ez du eragozten elkar ondo ulertzea, berdinetik berdinera, elkar errespetatuz, elkar ulertuz eta lagunduz, musikarekiko duten maitasun handitik bide berriak aurkitzeko eta lurralde ezezagunak esploratzeko.

Informazio gehigarria

Chicuelo - Marco Mezquida: Del alma

Marco Mezquida (pianoa), Juan Gómez "Chicuelo" (gitarra), Paco de Mode (perkusioa)

Bi musikari itzelek, benetako izarrak bakoitza bere aldetik, 2016an ezagutu zuten elkar, eta konexio sakona sentitu zuten; bat-bateko “maitemin” artistikoa antzeko bi arima musikalen artean, Mezquida Jazzetik eta musika klasikotik, eta Chicuelo flamenkotik.

Paco de Lucía Legacy

Josemi Carmona (gitarra), Chano Domínguez (pianoa), Duquende (kantua), Farru (dantza), Antonio Lizana (saxoa eta kantua), Alaín Pérez (baxua), Israel Suarez "Piraña" (kaxoia), Antonio Rey (gitarra), Antonio Sánchez (gitarra)

Paco de Lucía mugak gainditu zituen musikaria izan zen. Ziurrenik, garai guztietako flamenko gitarra-jotzailerik onena. Legendazko musikagile, ekoizle eta interpretea, Eric Clapton, Chick Corea, Carlos Santana edo Al Di Meolarekin jo eta grabatu zuena, eta generoa betiko aldatu zuena. Ikuskizun honek flamenkoaren iragana, oraina eta etorkizuna uztartzen ditu, Paco de Lucíaren bizitza eta obra ospatu eta bere DNA sortzaileak jazza, musika klasikoa edo musika afrikarra bezalako estiloak nola nahastu zituen erakutsi nahi duen musikari talde batekin.